Cen que l’è #FPGlobal?
Ci site l’è etò pensò per le dzi que llamon predgé patoué ou que vuolon commenhié à lo predgé. Nouho butte l’è de betté eunsemblo de personne avouë eun éritadzo francoprovençale que reston den diféènte partie di mondo.
Pe féé cougnehé personne de culture diféènte, no voulen predgé de bague de tcheut le dzor: quèsena, spoo, via relijeusa, via de campagne, fameullie, meuseucca ecc.
Su lo site te pou trové des resourse, sfide, idoo e bague à féé. Pe fée eun ezeumplo, te demanden de partagé, avouë an fotografie ou an fraze, an idoo ou an conta dan ta varietò de patoué. No voulen betté eunsemblo dzi de tot lo mondo per le fée cognéihe e predgé….en fracoprovençale!
Varden e valorizen cetta lenva! Agnaqua su eun de cice drapò per commenhié:
Derié Sfida
Partecipa enco te à nouhe sfide su le social e betta-te en contatte avouë d’otre patoisant(e) et cice que predgon d’otre lenve francoprovençale.
Betta-te en contatte
Resourse su lo francoprovençale
Apren coutsouza de nuo su lo francoprovençale:
Lo francoprovençale dan lo mond
Te te si dzamì demandò yeui on predge francoprovençale? Aitja la carta ce desò. Le poueun nea son le réjon avouë de dzi que predgon francoprovençale e le poueun rodzo le partner de #FPGlobal.
T’à voya de nos éguiéi à tchertchéi de dzi que predgon francoprovençale dan lo mondo? No récouiillien eunformachón demografique per la documentachón e la conservanchón.